Joomla TemplatesWeb HostingWeb Hosting
   

gesund-im-engadin.ch

Susanne Reisinger-Janser · Via Mulin 10 · 7502 Bever · Tel 078 832 62 90
Barbara Tuena Giovanoli · Chà d`Mez 2 · 7502 Bever · Tel 078 763 41 83
Jon Andri Dorta · Via Maistra 14 · 7502 Bever · Tel 076 360 87 80

 
         
 








 

In nossa rait „gesund im Engadin" / „saun in Engiadina" colliains terapeutas e terapeuts cun üna scolaziun i'l champ da terapias cumplessivas ed alternativas in nossa regiun. Uschè preschantains nos savair e nossas spüertas ad ün vast public.

Nus vains s-chaffieu quista plattafuorma per ans sustgnair vicendaivelmaing, per baratter experienzas e per collavurer üna cull'otra. Quist barat e la lavur cumünaivla dess sustgnair la clientella e las paciaintas in lur tschercha da trattamaints e chüras cunter malatias e dess güder d'amegldrer e mantgnair üna buna sandet fin ill'ota eted.

Il böt da nossa rait es dad infurmer a nossa clientella e paciaints sur da las spüertas preventivas e möds da trattativas e chüras cumplementeras ed alternativas in nossa regiun. Nus vulains musser sü ün spectrum vast per ün prevedimaint da sandet optimel.

Nossa rait pussibiltescha a terapeutas/terapeuts, a cussgliedras/cussglieders ed a cliaintas/cliaints d'as infurmer sur da la spüerta da trattamaints cumplessivs e sur da referats, seminars e workshops in nossa regiun. Süperpü dess gnir spüert üna plattafuorma, inua cha dumandas ed intschertezzas in connex cun nossa sandet e/u malatias paun gnir discuttedas.

Las partenarias e'ls partenaris da nossa rait as chattan regulermaing pel barat dad infurmaziuns ed experienzas e per imprender a cugnuoscher vicendaivelmaing las spüertas terapeuticas. A dessan gnir s-chaffidas ed ütilisedas sinergias per rinforzer e consolider la posiziun e la preschentscha da las spüertas complementeras ed alternativas in nossa regiun.

Nossa visiun es, dad unir e trer a nüz tuot las forzas, il savair, il potenziel, la sabgientscha e l'avertezza pel bainesser da nossa clientella e da nossas paciaintas e noss paciaints e da las trer a nüz per ans accumpagner e sustgnair vicendaivelmaing sün noss viedis in dierecziun dad üna vita sauna ed allegraivla correspundent cun nos ambiaint.